E muhé ideal

8-3-2009

Pabien na tur nos damanan riba dia internashonal
di hende muhé



Muhé.
Kuater lèter formando
un palabra kòrtiku,
ku un nifikashon inmenso.

Kreá pa duna
amor abundante
na tur ku ta rondon’é.

Fuente di sabiduria,
kapas pa soportá
soledat, tristesa i doló.

Reina di su hogar,
ku ta sali na defensa
di esnan ku ta dependé di dje.

Un dama den tur sentido di palabra.
Esun ku ta yena nos
ku hopi orguyo.

Muhé.
Ehèmpel pa hopi hende.
Ta tur dia mester ta:
DIA DI HENDE MUHE!!