E avion a bai hibabo,
te Hulanda, leu fo’i mi.
M’a para, hopi tristu,
wak bo subi trapi bai.
Sinku aña ta bai hasi,
ku b’a laga kas bashí;
sin bo músika stimá
ku ta zona fo’i tempran...
Kuantu biaha mi n’ lanta ‘nochi
kana rònt mi so den kas;
para wak e telefon
sin por bèl, pasó ta lat
i sigur bo ta drumi.
Ora ku bo bin fakansi,
mi ke tene e dianan,
mi n’ ke pa nan kore pasa,
pa bo tin ku bolbe bai.
Mi stimabo, mi yu hòmber,
mi ta orguyoso di bo,
manera un mama so por ta
di su prens, su yu stimá.
Subscribe to:
Post Comments (Atom)
No comments:
Post a Comment